agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

poochte hain vo ki ghalib kaun hai koi batlaao ki ham batlaayein kya

kisi ko ghar se nikalte hi mil gaii manzil koi hamaari tarah umr bhar safar men raha

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

kuchh to majbooriyaan rahi hongi yuñ koi be-vafa nahin hota

vo khaar khaar hai shaakh-e-gulaab kii maanind main zakhm zakhm hooñ phir bhi gale lagaaun use

jaane kis haal men ham hain ki ha men dekh ke log ek pal ke li.e rukte hain guzar jaate hain

munsif ho agar tum to kab insaaf karoge mujrim hain agar ham to saza kyun nahin dete

usne nazar nazar men hi aise bhale sukhun kahe maine to uske paanv men saara kalaam rakh diya

do ghadi us se raho door to yuñ lagta hai jis tarah saaya-e-deewar se deewaar juda