ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

tu kisi aur hi duniya men mili thii mujhse tu kisi aur hi mausam ki mahak laai thii dar raha tha ki kahii zakham na bhar jaayen mere aur tu mutthiyaan bhar-bhar ke namak laai thii

doori hui to unse qareeb aur ham hue ye kaise faasle the jo badhne se kam hue

main ne chaaha tha zakham bhar jaayen zakham hi zakham bhar ga.e mujh men

tere khwaab sanwar jaayen to behtar hogaa apna kya hai mar jaayen to behtar hogaa

sehra se ho ke baagh men aaya hooñ sair ko haathon men phool hain mere paanv men ret hai

is li.e raushni men thandak hai kuchh charaaghon ko nam kiya gaya hai

vo jis ki chaanv men pacchees saal guzre hain vo ped mujh se koi baat kyun nahin karta

chehra dekhen tere hont aur palken dekhen dil pe aañkhen rakhen teri saansen dekhen

toot bhi jaaun to teraa kya hai ret se pooch aaina kya hai phir mere saamne usii ka zikr aapke saath masalaa kya hai