shaayad mujhe kisi se mohabbat nahin hui lekin yaqeen sab ko dilaata raha hooñ main

kitne aish se rahte honge kitne itraate honge jaane kaise log vo honge jo us ko bhaate honge

pyaar ka rishta aisa rishta shabnam bhi chingaari bhi yaanii unse roz hi jhagda aur unhin se yaari bhi

tere lagaye hue zakhm kyun nahin bharte mere lagaye hue ped sookh jaate hain

pyaar do baar thodii hota hai ho to phir pyaar thodii hota hai yahii behtar hai tum use roko mujhse inkaar thodii hota hai

mohabbat ke gharo ke kacche-pan ko ye kahaan samjhen in aankhoñ ko to bas aata hai barsaatein badi karna

sab ke chehre pe jo tanqeed kiya karte hain aaina un ko dikha do to mazaa aa jaa.e

nazarandaaz karne kii saza deni thii tujh ko tere dil men utar jaana zaroori ho gaya tha

kuchh to kar aadaab-e-mahfil ka lihaaz yaar ye pahluu badalna chhod de

is daur-e-munsifi men zaroori nahin 'waseem' jis shaKHs ki KHataa ho usii ko sazaa mile