tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

shaayad mujhe kisi se mohabbat nahin hui lekin yaqeen sab ko dilaata raha hooñ main

teri aankhoñ men jo ik qatra chhupa hai main hooñ jisne chhup chhup ke teraa dard saha hai main hooñ ek patthar ki jise aanch na aayi tu hai ek aaina ki jo toot chuka hai main hooñ

ye uski mohabbat hai ki rukta hai tere paas varna teri daulat ke siva kya hai tere paas

jaisa dikhaai dene kii karte ho koshishein main khoob jaanta hooñ ki aise nahin ho tum

nazarandaaz karne kii saza deni thii tujh ko tere dil men utar jaana zaroori ho gaya tha

tumhaara pyaar to saanson men saans leta hai jo hota nashsha to ik din utar nahin jaata

kuchh to kar aadaab-e-mahfil ka lihaaz yaar ye pahluu badalna chhod de

jaake lautaa hai kahiin koii hawa ka jhonka tumne kya soch ke darwaaza khula rakkha hai