main tere baad koi tere jaisa dhoondhta hooñ jo be-vafaaii kare aur be-vafa na lage

itni milti hai mirii ghazalon se soorat teri log tujh ko mira mahboob samjhte honge

tujhko chhoo kar aur kisi kii chaah rakhen hairat hai aur laanat aise haathon par

jaanta hooñ ki tujhe saath to rakhte hain kaii poochna tha ki teraa dhyaan bhi rakhta hai koi

hamaare baad tere ishq men naye ladke badan to choomenge zulfen nahin sanvaarenge

na paane se kisi ke hai na kuchh khone se matlab hai ye duniya hai ise to kuchh na kuchh hone se matlab hai

sab ke chehre pe jo tanqeed kiya karte hain aaina un ko dikha do to mazaa aa jaa.e

tujhe paane kii koshish men kuchh itnaa kho chuka hooñ main ki tu mil bhi agar jaa.e to ab milne ka gham hogaa

zaraa sa qatra kahii aaj agar ubharta hai samundron hi ke lehje men baat karta hai

chraagh ghar ka ho mehfil ka ho ki mandir ka hawa ke paas koi maslahat nahin hoti