kisi gali men kiraye pe ghar liya usne phir us gali men gharo ke kiraye badhne lage

KHud se bhi mil na sako itne paas mat hona ishq to karna magar devdaas mat hona dekhna chaahna phir maangna ya kho dena ye saare khel hain in men udaas mat hona

shaayad mujhe kisi se mohabbat nahin hui lekin yaqeen sab ko dilaata raha hooñ main

tumhaari aankhoñ ki tauheen hai zara socho tumhaara chaahne vaala sharaab peeta hai

kisi ko ghar se nikalte hi mil gaii manzil koi hamaari tarah umr bhar safar men raha

na jaane kaun si aa.e sadaa pasand use so ham sadaaein badal kar sadaaein dete rahe

mere qubool pe usne qubool kah to diya par ek baar kaha usne teen baar nahin

hamaari marzi se ab kya badlne vaala hai tumhaare kabze men voting masheen hai sahab

ye kitnii laashen saheje kise kahaan rakhen ki tang aa gaii hai ab zameen logon se

yaqeen kar vo tire paas laut aayega jab us ka uthne lagega yaqeen logon se