shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

maine jo kuchh bhi socha hua hai main vo vaqt aane pe kar jaaunga tum mujhe zahar lagte ho aur main kisi din tumhein pee ke mar jaaunga

ab zaroori to nahin hai ki vo sab kuchh kah de dil men jo kuchh bhi ho aankhoñ se nazar aata hai main usse sirf ye kahtaa hoon ki ghar jaana hai aur vo maarnay marne pe utar aata hai

teri soorat se hai aalam men bahaaron ko sabaat teri aankhoñ ke siva duniya men rakha kya hai

kuchh to kar aadaab-e-mahfil ka lihaaz yaar ye pahluu badalna chhod de

jaisa dikhaai dene kii karte ho koshishein main khoob jaanta hooñ ki aise nahin ho tum

dhyaan rahe ye log tumhaari saf men dar kar aa.e hain tumko zinda kya rakkhenge jo KHud mar kar aa.e hain

kya dukh hai samandar ko bataa bhi nahin saka aansoo ki tarah aankh tak aa bhi nahin saka tu chhod raha hai to KHataa is men teri kya har shaKHs meraa saath nibha bhi nahin saka

nazarandaaz karne kii saza deni thii tujh ko tere dil men utar jaana zaroori ho gaya tha