koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

zaraa sa qatra kahii aaj agar ubharta hai samundron hi ke lehje men baat karta hai

chraagh ghar ka ho mehfil ka ho ki mandir ka hawa ke paas koi maslahat nahin hoti

kya bataaun kaisa KHud ko dar-b-dar maine kiya umr bhar kis kiske hisse ka safar maine kiya tu to nafrat bhi na kar paayega is shiddat ke saath jis bala ka pyaar tujhse be-KHabar maine kiya

is daur-e-munsifi men zaroori nahin 'waseem' jis shaKHs ki KHataa ho usii ko sazaa mile

vo mere ghar nahin aata main us ke ghar nahin jaata magar in ehtiyaaton se taalluq mar nahin jaata