hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

paron ko khol zamaana udaan dekhta hai zameen pe baith ke kya aasmaan dekhta hai

vo ladkar bhi so jaa.e to uskaa maatha choomun main usse mohabbat ek taraf hai usse jhagda ek taraf

sab ke chehre pe jo tanqeed kiya karte hain aaina un ko dikha do to mazaa aa jaa.e

zaraa sa qatra kahii aaj agar ubharta hai samundron hi ke lehje men baat karta hai

is daur-e-munsifi men zaroori nahin 'waseem' jis shaKHs ki KHataa ho usii ko sazaa mile

raat to vaqt kii paaband hai dhal jaayegi dekhna ye hai charaaghon ka safar kitna hai

dhoop ke ek hi mausam ne jinhen tod diya itne naazuk bhi ye rishte na banaaye hote