shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

kisi ko ghar se nikalte hi mil gaii manzil koi hamaari tarah umr bhar safar men raha

gale milnaa na milnaa to teri marzi hai lekin tere chehre se lagta hai teraa dil kar raha hai

bade naadaan ho tum bhi zara samjha karo baatein gale milkar jo roti hai bichhadkar kitna royegi

nazar men rakhna kahii koi gham shanaas gaahak mujhe sukhun bechna hai kharcha nikaalna hai

kitaab-e-ishq men har aah ek aayat hai par aañsuon ko huroof-e-muqattia'at samajh

shab basar karne hai mahfooz thikaana hai koii koii jungle hai yahaañ paas men sehra hai koii

pata tha us se bichhadte hi dost gherenge vahii hua mujhe ranj-o-alam ne gher liya

tu uske dil men jagah chahta hai yaar jo shaKHs kisi ko deta nahin apne saath waali jagah