tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

dekho ham koi wahshi nahin deewane hain tumse button khulwane nahin lagwane hain

paron ko khol zamaana udaan dekhta hai zameen pe baith ke kya aasmaan dekhta hai

kahiiñ abeer kii khushboo kahiiñ gulaal ka rang kahiiñ pe sharm se simte hue jamaal ka rang chale bhi aao bhula kar sabhi gile-shikwe barsna chahiye holi ke din visaal ka rang

har ek samt yahaañ vahshaton ka maskan hai junoon ke vaaste sehra o aashiyana kya

phir is ke baad manaaya na jashn khushboo ka lahu men doobi thii fasl-e-bahaar kya karte

na jaane khatm hui kab hamaari aazaa dii taalluqaat ki paabandiyaan nibhaate hue

ye bhraamak prakaash ye kalpit deep utsav drishtiheen hue to ye sab paaya hai maryada purushottam to vanvaas men hai sanyaasi ke bhes men raavan aaya hai