mujhe baatein nahin teri mohabbat chahiye thii mujhe afsos hai ye mujh...ko kehna pad raha hai

apne chehre se jo zaahir hai chhupaayen kaise teri marzi ke mutaabiq nazar aayen kaise

manzilon ka kaun jaane rahguzar achchhii nahin uski aañkhen khoobsurat hai nazar achchhii nahin

ye vo qabeela hai jo husn ko KHuda maane yahaañ pe kaun teri baat ka bura maane ishaara kar diya hai aapki taraf maine ye bacche pooch rahe the ki be-vafa maane

sitaare aur qismat dekh kar ghar se nikalte hain jo buzdil hain muhoorat dekhkar ghar se nikalte hain ha men lekin safar ki mushkilon se dar nahin lagta ki ham bacchon ki soorat dekhkar ghar se nikalte hain

ye shabnami lahjaa hai aahista ghazal padhna titli ki kahaanii hai phoolon ki zabaani hai

saath sanduqon men bhar kar dafn kar do nafratein aaj insaan ko mohabbat kii zaroorat hai bahut

main KHuda ka naam le kar pee raha hooñ dosto zahar bhi is men agar hogaa davaa ho jaayega

KHuda kii us ke gale men ajeeb qudrat hai vo bolta hai to ik raushni sii hoti hai

mujhe maaloom hai us ka thikaana phir kahaan hogaa parinda aasmaañ choone men jab naakaam ho jaa.e