bitha diya hai sipaahi ke dil men dar usne talaashi dii hai dupatta utaar kar usne main isliye bhi use khudkushi se rokta hooñ likha hua hai meraa naam jism par usne

main choomta hooñ to vo haath kheench leta hai use pata hai ye seedhi kahaan pe jaani hai

ishq men ye daava to naiiñ hai main hi awwal aaunga lekin itnaa kah saka hooñ achchhe number laaunga

main qissa mukhtasar kar ke zaraa neechi nazar kar ke ye kahtaa hooñ abhii tum se mohabbat ho gaii tum se

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

aapke tode hue phool ya chhode hue log ek hi qism kii barbaa dii yahaañ paayenge pahle pahle to lubhaayenge tumhein KHushboo se dheere dheere vo kitaabon men bikhar jaayenge

use banaya gaya tha bahut haseen jameel main usse ishq na karta to aur kya karta

jo mere naam se mansoob kar ke tode the vo phool ab bhi rakhe hain teri kitaab men kya mujhe yuñ vahshaton kii maut maarne waale bacha hua hai meraa aks tere KHvaab men kya

nazar ghuma ke kabhi dekh le ghadi kii taraf bahut samay se koii tere intizaar men hai

ret hi ret mili ishq safar men mujh...ko zindagi KHaak hui aur mila kuchh bhi nahin raat bhar hota hai taari kisi vehshat ka gumaan raat KHvaabon ki siyaahat ke siva kuchh bhi nahin