ham vo hain jo KHuda ko bhool ga.e tum meri jaan kis gumaan men ho

le de ke apne paas faqat ik nazar to hai kyun dekhen zindagi ko kisi ki nazar se ham

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

poochte hain vo ki ghalib kaun hai koi batlaao ki ham batlaayein kya

aaj uske gaal choo men hain to andaaza hua chaai achchhii hai magar thoda sa meetha tez hai

ik parinda abhii udaan men hai teer har shaKHs ki kamaan men hai

tum raah men chup-chaap khade ho to ga.e ho kis kis ko bataoge ki ghar kyun nahin jaate

mere pados men aise bhi log baste hain jo mujh men dhundh rahe hain buraiyaan apni

mehsoos kar raha tha use apne aas paas apna khayal KHud hi badalna pada mujhe

log jis haal men marne ki dua karte hain main ne us haal men jeene ki qasam khaai hai