koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

teri soorat se hai aalam men bahaaron ko sabaat teri aankhoñ ke siva duniya men rakha kya hai

ye alag baat ki KHaamosh khade rahte hain phir bhi jo log bade hain vo bade rahte hain

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

mere pados men aise bhi log baste hain jo mujh men dhundh rahe hain buraiyaan apni

mehsoos kar raha tha use apne aas paas apna khayal KHud hi badalna pada mujhe

aaj ki raat bhi guzri hai mirii kal ki tarah haath aa.e na sitaare tire aanchal ki tarah

ik parinda abhii udaan men hai teer har shaKHs ki kamaan men hai

use bechain kar jaaunga main bhi KHamoshii se guzar jaaunga main bhi