kitne aish se rahte honge kitne itraate honge jaane kaise log vo honge jo us ko bhaate honge

tumhaare bin guzaari raat ke bas do hi kisse hain kabhi hichki nahin rukti kabhi sisaki nahin rukti

itni milti hai mirii ghazalon se soorat teri log tujh ko mira mahboob samjhte honge

tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

titli se dosti na gulaabon ka shauq hai meri tarah use bhi kitaabon ka shauq hai

mere pados men aise bhi log baste hain jo mujh men dhundh rahe hain buraiyaan apni

ik parinda abhii udaan men hai teer har shaKHs ki kamaan men hai

mehsoos kar raha tha use apne aas paas apna khayal KHud hi badalna pada mujhe

usii ka shahar vahii muddai vahii munsif ha men yaqeen tha hamaara qusoor niklega

tum raah men chup-chaap khade ho to ga.e ho kis kis ko bataoge ki ghar kyun nahin jaate