mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

ham vo hain jo KHuda ko bhool ga.e tum meri jaan kis gumaan men ho

kisi ko ghar se nikalte hi mil gaii manzil koi hamaari tarah umr bhar safar men raha

ye zulf agar khul ke bikhar jaa.e to achha is raat ki taqdeer sanwar jaa.e to achha jis tarah se thodii si tere saath kati hai baaki bhi usii tarah guzar jaa.e to achha

ja tujhe jaane diya jaanaan meri jaanaan jaan ab tu ho gaii anjaan ho jaise

main hosh-mand hooñ KHud bhi so meri ghazlon meinna raqs karta hai aashiq na baal kheenchta hai

ruken to dhoop se nazrein bachaate rahte hain chalen to kitne darakht aate jaate rahte hain

banaao taajmahal ke bajaaye taash mahal tamaam umr muhabbat karo girao banaao

koi khat-vat nahin faara koi tohfa nahin toda ki vo dekhe to KHud soche ki dil toda nahin toda

kisi ko class se baahar nikaal rakha hai kisi ne seat pe rumal daal rakha hai