agar hai ishq saccha to nigaahon se bayaañ hogaa zabaan se bolna bhi kya koi izhaar hota hai

dekho ham koi wahshi nahin deewane hain tumse button khulwane nahin lagwane hain

uski zulfen udaas ho jaa.e is-qadar roshni bhi theek nahin tumne naaraz hona chhod diya itni naarazgi bhi theek nahin

mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

main agar apni jawaani ke suna doon qisse ye jo launde hain mere paanv dabane lag jaa.e

abhii na chhed mohabbat ke geet ai mutarib abhii hayaat ka maahol khushgawaar nahin

lo aaj ham ne tod diya rishta-e-umeed lo ab kabhi gilaa na karenge kisi se ham

yoonhi dil ne chaaha tha rona-rulaana tiri yaad to ban gaii ik bahaana

rang aur nasl zaat aur mazhab jo bhi hai aadmi se kamtar hai is haqeeqat ko tum bhi meri tarah maan jaao to koi baat bane

kis darja dilshikan the mohabbat ke haadse ham zindagi men phir koii armaan na kar sake