mat pooch ki kya haal hai meraa tere peeche tu dekh ki kya rang hai teraa mere aage

zindagi kahte hain jis ko chaar din ki baat hai bas hamesha rahne waali ik KHuda ki zaat hai

vo mujh ko chhod ke jis aadmi ke paas gaya baraabari ka bhi hota to sabr aa jaata

hai dukh to kah do kisi ped se parinde se ab aadmi ka bharosa nahin hai pyaare koi

vaqt rehta nahin kahii tik kar aadat is ki bhi aadmi si hai

lo aaj ham ne tod diya rishta-e-umeed lo ab kabhi gilaa na karenge kisi se ham

kis darja dilshikan the mohabbat ke haadse ham zindagi men phir koii armaan na kar sake

dulhan banii hui hain raahen jashn manao saal-e-nau ke

maana ki is zameen ko na gulzaar kar sake kuchh khaar kam to kar ga.e guzre jidhar se ham

abhii zinda hooñ lekin sochta rehta hooñ khilwat men ki ab tak kis tamannaa ke sahaare jee liya main ne