tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

ham vo hain jo KHuda ko bhool ga.e tum meri jaan kis gumaan men ho

abhii na chhed mohabbat ke geet ai mutarib abhii hayaat ka maahol khushgawaar nahin

bas ab to daaman-e-dil chhod do bekar umeedo bahut dukh sah li.e maine bahut din jee liya maine

ye zameen kis qadar sajaai gaii zindagi ki tadap badhaai gaii aaiine se bigad ke baith ga.e jin ki soorat jinhen dikhaai gaii

lo aaj ham ne tod diya rishta-e-umeed lo ab kabhi gilaa na karenge kisi se ham

yoonhi dil ne chaaha tha rona-rulaana tiri yaad to ban gaii ik bahaana