main zindagi men aaj pahli baar ghar nahin gaya magar tamaam raat dil se maa ka dar nahin gaya bas ek dukh jo mere dil se umr bhar na jaayega us..ko kisi ke saath dekh kar main mar nahin gaya

mirii ghazal ki tarah us ki bhi hukoomat hai tamaam mulk men vo sab se khoobsurat hai bahut dinon se mire saath thii magar kal shaam mujhe pata chala vo kitnii khoobsurat hai

ulti ho gaiin sab tadbeerein kuchh na davaa ne kaam kiya dekha is beemaari-e-dil ne aaKHir kaam tamaam kiya

kuchh is tarah se guzaari hai zindagi jaise tamaam umr kisi doosre ke ghar men raha

apne dil men takaza hamko aur gale se lagaaoge hamko ham nahin itne pyaar ke qaabil tum to paagal banaoge hamko

main hosh-mand hooñ KHud bhi so meri ghazlon meinna raqs karta hai aashiq na baal kheenchta hai

ruken to dhoop se nazrein bachaate rahte hain chalen to kitne darakht aate jaate rahte hain

ungliyon par gine ja sakte hain ab achchhe log ungliyon men gar angoothe na gino bhi to bhi

jo log KHud na karte the honthon se paan saaf palkon se kar rahe hain teraa paaydaan saaf

KHuda farishte payambar bashar kisi ka nahin mujhe lihaaz to sabka hai dar kisi ka nahin