shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

ghar ki taqseem men anganaai ganwa baithe hain phool gulshan se shanaasaai ganwa baithe hain baat aankhoñ se samajh lene ka daava mat kar ham isee shauq men beenaai ganwa baithe hain

karti hai to karne de hawaon ko sharaarat mausam ka takaaza hai ki baalon ko khula chhod

har ek lafz ke tevar hi aur hote hain tere nagar ke sukhanvar hi aur hote hain tumhaari aankhoñ men vo baat hi nahin ai dost dubone waale samandar hi aur hote hain

ab ke ham tark-e-rusoomaat karke dekhte hain beech waalon ke bina baat karke dekhte hain isse pahle ki koi faisla talwaar kare aakhiri baar mulaqaat karke dekhte hain

diya jala ke sabhi baam-o-dar men rakhte hain aur ek ham hain ise rah-guzar men rakhte hain samundron ko bhi maaloom hai hamaara mizaaj ki ham to pehla qadam hi bhanwar men rakhte hain