ye alag baat ki KHaamosh khade rahte hain phir bhi jo log bade hain vo bade rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

diya jala ke sabhi baam-o-dar men rakhte hain aur ek ham hain ise rah-guzar men rakhte hain samundron ko bhi maaloom hai hamaara mizaaj ki ham to pehla qadam hi bhanwar men rakhte hain

karti hai to karne de hawaon ko sharaarat mausam ka takaaza hai ki baalon ko khula chhod

har ek lafz ke tevar hi aur hote hain tere nagar ke sukhanvar hi aur hote hain tumhaari aankhoñ men vo baat hi nahin ai dost dubone waale samandar hi aur hote hain

ab ke ham tark-e-rusoomaat karke dekhte hain beech waalon ke bina baat karke dekhte hain isse pahle ki koi faisla talwaar kare aakhiri baar mulaqaat karke dekhte hain

meraa armaan meri KHvaahish nahin hai ye duniya meri basaaoge nahin hai main tere KHvaab waapas kar raha hooñ meri aankhoñ men gunjaish nahin hai