ham bhi dariyaa hain ha men apna hunar maaloom hai jis taraf bhi chal padenge raasta ho jaayega

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

kisne dastak dii ye dil par kaun hai aap to andar hain baahar kaun hai

dil na-umeed to nahin naakaam hi to hai lambi hai gham ki shaam magar shaam hi to hai

dil se saabit karo ki zinda ho saans lena koi suboot nahin

na sataish kii tamannaa na sile kii parwa gar nahin hain mire ashaar men ma'ni na sahi

koii veeraani sii veeraani hai dasht ko dekh ke ghar yaad aaya

bijli ik kaundh gayi aankhoñ ke aage to kya baat karte ki main lab tashn-e-taqreer bhi tha

apni gali men mujh...ko na kar dafn baad-e-qatl mere pate se khalk ko kyun teraa ghar mile

aate hain ghaib se ye mazaameen khayal men ghalib shareer-e-khaama nawa-e-sarosh hai