teraa banta tha ki tu dushman ho apne haathon se khilaaya tha tujhe teri gaali se mujhe yaad aaya kitne taano se bachaaya tha tujhe

vo mere chehre tak apni nafraten laaya to tha maine uske haath choo men aur bebas kar diya

mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

haath khaali hai tere shahar se jaate jaate jaan hoti to meri jaan lutate jaate

jaise tumne waqt ko haath men roka ho sach to ye hai tum aankhoñ ka dhokha ho

lutate hain vo daulat husn ki baawar nahin aata ha men to ek bosa bhi badi mushkil se milta hai

aata hai jee men saaqi-e-mah-wash pe baar baar lab choom luun tira lab-e-paimaana chhod kar

aañsu hamaare gir ga.e un ki nigaah se in motiyon ki ab koi qeemat nahin rahi

bahaar aayi ki din holi ke aa.e gulon men rang khela ja raha hai

mohabbat rang de jaati hai jab dil dil se milta hai magar mushkil to ye hai dil badi mushkil se milta hai