kitne aish se rahte honge kitne itraate honge jaane kaise log vo honge jo us ko bhaate honge

mile kisi se gire jis bhi jaal par mere dost main us..ko chhod chuka uske haal par mere dost zameen par sabka muqaddar to mere jaisa nahin kisi ke saath to hogaa vo call par mere dost

kyuuñ darein zindagi men kya hogaa kuchh na hogaa to tajurba hogaa

ilaaj apna karate phir rahe ho jaane kis kis se mohabbat kar ke dekho na mohabbat kyun nahin karte

din dhal gaya aur raat guzarne ki aas men suraj nadi men doob gaya ham gilaas men

gali ke mod pe bachchon ke ek jamghat men kisi ne dard-bhare lay men maahiya gaaya mujhe kisi se mohabbat nahin magar ai dil ye kya hua ki tu be-ikhtiyaar bhar aaya

jo dil dukha hai to ye azm bhi mila hai ha men tamaam umr kisi ka na dil dukhaaenge ham

tujh se kis tarah main izhaar-e-tamannaa karta lafz soojha to maani ne baghaavat kar dii

us vaqt ka hisaab kya doon jo tere baghair kat gaya hai

main to us waqt se dartaa hooñ ki vo pooch na le ye agar zabt ka aañsu hai to tapka kaise