khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

kyun mere saath koii aur pareshaan rahe meri duniya hai jo veeraan to veeraan rahe

main bachpan men khilaune todta tha mire anjaam ki vo ibtida thii

tab ham dono vaqt chura kar laate the ab milte hain jab bhi furqat hoti hai

galat baaton ko khaamoshi se sunna haami bhar lena bahut hain faaede is men magar achha nahin lagta

ha men jabse mohabbat ho gaii hai ye duniya khoobsurat ho gaii hai