main chahta hooñ mohabbat meraa vo haal kare ki KHvaab men bhi dobara kabhi majaal na ho

pyaar do baar thodii hota hai ho to phir pyaar thodii hota hai yahii behtar hai tum use roko mujhse inkaar thodii hota hai

unke gesu khulen to yaar bane baat meri ik rabar band ne jakadi hui hai raat meri

jaun tumhe ye daur mubarak door gham-e-ayyaam se ho ek paagal ladki ko bhula kar ab to bade aaraam se ho

mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

us ke dil ki aag thandi pad gaii mujh ko shohrat mil gaii ilzaam se

jahaan waalon se kah do yahaañ se hat jaayen KHuda ke aur mere darmiyaañ se hat jaayen

dasht jaisi ujaad hain aañkhen in dareechon se KHvaab kya jhaanken

bichhad jaayenge ham dono zameen par ye us ne aasmaañ par likh diya hai

us ki yaadon ki kaai par ab to zindagi-bhar mujhe fisalna hai