ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

kya galat-fahmi men rah jaane ka sadma kuchh nahin vo mujhe samjha to saka tha ki aisa kuchh nahin ishq se bach kar bhi banda kuchh nahin hota magar ye bhi sach hai ishq men bande ka bachta kuchh nahin

tu mohabbat se koi chaal to chal haar jaane ka hausla hai mujhe

ab in jale hue jismoon pe KHud hi saaya karo tumhein kaha tha bataa kar qareeb aaya karo main uske baad mahinon udaas rehta hooñ mazaak men bhi mujhe haath mat lagaaya karo

main kya kahooñ ke mujhe sabr kyun nahin aata main kya karoon ke tujhe dekhne ki aadat hai

dasht jaisi ujaad hain aañkhen in dareechon se KHvaab kya jhaanken

us ke dil ki aag thandi pad gaii mujh ko shohrat mil gaii ilzaam se

tire ehsaas men dooba hua main kabhi sehra kabhi dariyaa hua main

aaj meri ik ghazal ne us ke honton ko chhua aaj pahli baar apni shaayri achchhii lagii

jahaan waalon se kah do yahaañ se hat jaayen KHuda ke aur mere darmiyaañ se hat jaayen