raam kathaa men jaane waale laakhon log raam ke jaisa banne vaala ek nahin

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

tum bahut KHush rahogi mere saath vaise har ik ki apni marzi hai

vo kisi ke saath KHush tha kitne dukh ki baat thii ab mere pahluu men aa kar ro raha hai KHush hooñ main

shartein lagaaee jaati nahin dosti ke saath kijeye mujhe qubool mirii har kamii ke saath

munhdim hota chala jaata hai dil saal-b-saal aisa lagta hai girah ab ke baras tootti hai

khula fareb-e-mohabbat dikhaai deta hai ajab kamaal hai us be-vafa ke lehje men

ghar se nikle hue beton ka muqaddar maaloom maa ke qadmon men bhi jannat nahin milne waali

dua ko haath uthaate hue larzata hooñ kabhi dua nahin maangi thii maa ke hote hue

betiyaan baap ki aankhoñ men chhupe KHvaab ko pahchaanti hain aur koi doosra is KHvaab ko padh le to bura maanti hain