tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

shaayad mujhe kisi se mohabbat nahin hui lekin yaqeen sab ko dilaata raha hooñ main

teri soorat se hai aalam men bahaaron ko sabaat teri aankhoñ ke siva duniya men rakha kya hai

chaan dii sona ek taraf teraa hona ek taraf ek taraf teri aañkhen jaadu toona ek taraf

ab samajh lete hain meethe lafz kii kadwahaten ho gaya hai zindagi ka tajurba thoda bahut

isee honi ko to qismat ka likha kahte hain jeetne ka jahaan mauqa tha wahin maat hui

aankh bhar aayi kisi se jo mulaqaat hui khushk mausam tha magar toot ke barsaat hui

khoobsurat ye mohabbat men saza dii usne phir gale milke meri umr badha dii usne