raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

main agar apni jawaani ke suna doon qisse ye jo launde hain mere paanv dabane lag jaa.e

shaakhon se toot jaayen vo patte nahin hain ham aandhi se koi kah de ki auqaat men rahe

bhaanp hi lenge ishaara sar-e-mahfil jo kiya tadne waale qayamat ki nazar rakhte hain

ghairon se to fursat tumhein din raat nahin hai haan mere li.e waqt-e-mulaqaat nahin hai

naala-e-bulbul-e-shaida to suna hañs hañs kar ab jigar thaam ke baitho mirii baari aayi

jo dost hain vo maangte hain sulh ki dua dushman ye chahte hain ki aapas men jang ho

meri hi jaan ke dushman hain naseehat waale mujh ko samjhaate hain un ko nahin samjhaate hain