agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

meri tanhaaii dekhenge to hairat hi karenge log mohabbat chhod denge ya mohabbat hi karenge log

ham apni jaan ke dushman ko apni jaan kahte hain mohabbat ki isee miTTi ko hindustan kahte hain

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

tu mohabbat se koi chaal to chal haar jaane ka hausla hai mujhe

bhaanp hi lenge ishaara sar-e-mahfil jo kiya tadne waale qayamat ki nazar rakhte hain

naala-e-bulbul-e-shaida to suna hañs hañs kar ab jigar thaam ke baitho mirii baari aayi

ghairon se to fursat tumhein din raat nahin hai haan mere li.e waqt-e-mulaqaat nahin hai

munh par naqaab-e-zard har ik zulf par gulaal holi ki shaam hi to sehar hai basant ki

dost dil rakhne ko karte hain bahaane kya kya roz jhooti khabar-e-wasl suna jaate hain