sabhi ka KHoon hai shaamil yahaañ ki miTTi men kisi ke baap ka hindustan thodii hai

isliye ye mahina hi shaamil nahin umr ki jantri men hamaari usne ik din kaha tha ki shaa dii hai is farvari men hamaari

tapte seharaaon men sab ke sar pe aanchal ho gaya usne zulfen khol deen aur mas'ala hal ho gaya

subh-e-magroor ko vo shaam bhi kar deta hai shohraten cheen ke gumnaam bhi kar deta hai vaqt se aankh milaane ki himaakat na karo vaqt insaan ko neelaam bhi kar deta hai

bhoolbhulaiya tha un zulfon men lekin hamko us men apni raahen dikhti theen aapki aankhoñ ko dekha to ilm hua kyun arjun ko keval aañkhen dikhti theen

ghairon se to fursat tumhein din raat nahin hai haan mere li.e waqt-e-mulaqaat nahin hai

naala-e-bulbul-e-shaida to suna hañs hañs kar ab jigar thaam ke baitho mirii baari aayi

meri hi jaan ke dushman hain naseehat waale mujh ko samjhaate hain un ko nahin samjhaate hain

dost dil rakhne ko karte hain bahaane kya kya roz jhooti khabar-e-wasl suna jaate hain

jo dost hain vo maangte hain sulh ki dua dushman ye chahte hain ki aapas men jang ho