ye alag baat ki KHaamosh khade rahte hain phir bhi jo log bade hain vo bade rahte hain

sochun to saari umr mohabbat men kat gaii dekhooñ to ek shaKHs bhi meraa nahin hua

mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

shaakhon se toot jaayen vo patte nahin hain ham aandhi se koi kah de ki auqaat men rahe

main agar apni jawaani ke suna doon qisse ye jo launde hain mere paanv dabane lag jaa.e

Din bhar to main duniya ke dhandon me khoya raha

kahaan hai tu ki tire intizaar men ai dost tamaam raat sulagte hain dil ke veeraane

judaaiyon ke zaKHm dard-e-zindagi ne bhar diye tujhe bhi neend aa gaii mujhe bhi sabr aa gaya

unhen sadiyon na bhulega zamaana yahaan jo haadse kal ho ga.e hain

jinhen ham dekh kar jeete the naasir vo log aankhoñ se ojhal ho ga.e hain