us..ko fursat nahin milti ki palat kar dekhe ham hi deewane hain deewane bane rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

kabhi apni aankh se zindagi pe nazar na kii vahii zaaviye ki jo aam the mujhe kha ga.e

kab nikalta hai koii dil men utar jaane ke baad is gali kii doosri jaanib koii rastaa nahin

tamaam umr akelaa men tujh se baatein keen tamaam umr tere roo-b-roo khamosh rahe

aaKHir ko hañs padenge kisi ek baat par rona tamaam umr ka be-kaar jaayega

tu mujhe bante bigadte hue ab ghaur se dekh vaqt kal chaak pe rahne de na rahne de mujhe