ham vo hain jo KHuda ko bhool ga.e tum meri jaan kis gumaan men ho

bitha diya hai sipaahi ke dil men dar usne talaashi dii hai dupatta utaar kar usne main isliye bhi use khudkushi se rokta hooñ likha hua hai meraa naam jism par usne

vo be-vafa hai to kya mat kaho bura us..ko ki jo hua so hua KHush rakhe KHuda us..ko

tumhaare paanv qasam se bahut hi pyaare hain KHuda kare mere bacchon ki in men jannat ho

ham hain na ye jo mujhse kahte hain KHud kisi aur ke bharose hain zindagi ke li.e batao kuchh khudkushi ke to sau tariqe hain

mujhe to hosh na tha un ki bazm men lekin khamoshiyon ne meri un se kuchh kalaam kiya

zinda hooñ is tarah ki gham-e-zindagi nahin jalta hua diya hooñ magar raushni nahin

ai dil ki khalish chal yoonhi sahi chaltaa to hooñ un ki mehfil meinus vaqt mujhe chauka dena jab rang pe mehfil aa jaa.e

main Dhoondh raha hooñ mirii vo shama' kahaan hai jo bazm ki har cheez ko parwaana banaa de

ai dekhne waalo mujhe hañs hañs ke na dekho tum ko bhi mohabbat kahiin mujh sa na banaa de