koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ujaale apni yaadon ke hamaare saath rahne dona jaane kis gali men zindagi ki shaam ho jaa.e

kabhi jo KHvaab tha vo pa liya hai magar jo kho gaii vo cheez kya thii

mere naam se kya matlab hai tumhein mit jaayega ya rah jaata hai jab tum ne hi saath nahin rahna phir peeche kya rah jaata hai mere paas aane tak aur kisi ki yaad use kha jaati hai vo mujh tak kam hi pahunchta hai kisi aur jagah rah jaata hai

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare

galiyon kii udaasi poochhti hai ghar ka sannaata kahtaa hai is shahar ka har rahne vaala kyun doosre shahar men rehta hai

main badan ko dard ke malboos pahnaata raha rooh tak phaili hui milti hai ur yaanii mujhe

mire diye ne andhere se dosti kar li mujhe tu apne ujaale men jaanta hai to aa

har saal kii aakhiri shaamon men do chaar varq ud jaate hain ab aur na bikhre rishton kii bosida kitaab to achha ho

kashtii bhi nahin badli dariyaa bhi nahin badla aur doobne waalon ka jazba bhi nahin badla