tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

koi shahar tha jiski ek gali meri har aahat pahchaanti thii mere naam ka ik darwaaza tha ik khidki mujh...ko jaanti thii

kuchh baat hai ki hasti mitati nahin hamaari sadiyon raha hai dushman daur e zamaan hamaara

sehra se ho ke baagh men aaya hooñ sair ko haathon men phool hain mere paanv men ret hai

is li.e raushni men thandak hai kuchh charaaghon ko nam kiya gaya hai

chehra dekhen tere hont aur palken dekhen dil pe aañkhen rakhen teri saansen dekhen

toot bhi jaaun to teraa kya hai ret se pooch aaina kya hai phir mere saamne usii ka zikr aapke saath masalaa kya hai

vo jis ki chaanv men pacchees saal guzre hain vo ped mujh se koi baat kyun nahin karta