kaam aaya tiranga kafan ke li.e koii qurbaan hua tha watan ke li.e socho kya kar liya tumne jee kar ke dost nas bhi kaatee to bas ik badan ke li.e

dosti lafz hi men do hai do sirf teri nahin chalegi dost

jab munderon se dhoop dhalti hai to kamii uski mujh...ko khalti hai jo hatheli pe apni likhti thii dosti pyaar men badalti hai

mere andar se aa jaao baahar gehma-gehmi hai ek badan men do logon ko kaise ghar le jaaunga

ab main saare jahaan men hooñ badnaam ab bhi tum mujh...ko jaanti ho kya

be-sabab marne se achha hai ki ho koi sabab doston cigarette piyo may-khwaariyaan karte raho

lutf aata hai bahut soch ke mujh...ko ki raqeeb rangat-e-lab ko teri paan samjhte honge

kar hi kya sakti hai duniya aur tujh ko dekh kar dekhti jaayegi aur hairaan hoti jaayegi

tune jis baat ko izhaar-e-mohabbat samjha baat karne ko bas ik baat rakhi thii hamne

vo ek ashk jo haasil hai zindagaani ka tamaam umr ke manzar nichod kar niklaa