sochun to saari umr mohabbat men kat gaii dekhooñ to ek shaKHs bhi meraa nahin hua

sair kar duniya ki ghaafil zindagaani phir kahaan zindagi gar kuchh rahi to ye jawaani phir kahaan

us ke honton pe rakh ke hont apne baat hi ham tamaam kar rahe hain

vo jo geet tum ne suna nahin meri umr bhar ka riyaaz tha mere dard ki thii vo dastaan jise tum hañsi men uda ga.e

tune dekhi hai vo peshaani vo rukhsaar vo hont zindagi jinke tasavvur men luta dii hamne tujhpe uthi hain vo khoi hui saahir aañkhen tujhko maaloom hai kyuuñ umr ganwa dii hamne

lutf aata hai bahut soch ke mujh...ko ki raqeeb rangat-e-lab ko teri paan samjhte honge

be-sabab marne se achha hai ki ho koi sabab doston cigarette piyo may-khwaariyaan karte raho

asar karti hai koi-koi baat aahista aahista samajh men aate hain kuchh mojazaat aahista aahista

tune jis baat ko izhaar-e-mohabbat samjha baat karne ko bas ik baat rakhi thii hamne

ameer imaam ke ashaar apni palkon par tamaam hijr ke maare uthaaye firte hain