shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

kisi ko ghar se nikalte hi mil gaii manzil koi hamaari tarah umr bhar safar men raha

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

kisi gali men kiraye pe ghar liya usne phir us gali men gharo ke kiraye badhne lage

tension se marega na corone se marega ik shaKHs tere saath na hone se marega

is se pahle ki zameen-zaad sharaarat kar jaayen ham sitaaron ne ye socha hai ki hijrat kar jaayen daulat-e-khwab hamaare jo kisi kaam na aayi ab kisi ko nahin milne ki wasiyyat kar jaayen

us ki jaanib se bhi chaaha hai barabar KHud ko maine ik-tarfa muhabbat to kabhi ki hi nahin

uskaa number nahin kisi ne liya sab samjhte rahe pari hogii

suna hai marte nahin pyaar men anaarkali to kaisa lagta hai deewaar men anaarkali