apne chehre se jo zaahir hai chhupaayen kaise teri marzi ke mutaabiq nazar aayen kaise

chal gaya hogaa pata ye aapko be-vafa kahte hain ladke aapko ik zaraa se husn par itni akad tu samjhti kya hai apne aapko

apne men'yaar se neeche to main aane se raha she'r bhookha hooñ magar ghaas to khaane se raha

dosti lafz hi men do hai do sirf teri nahin chalegi dost

tumhaare naam ki har ladki se mila hooñ main tumhaara naam faqat tum pe achha lagta hai

suraj hooñ zindagi kii ramq chhod jaaunga main doob bhi gaya to shafaq chhod jaaunga

vo chaand hai to aks bhi paani men aayega kirdaar KHud ubhar ke kahaanii men aayega

mile mujhe bhi agar koii shaam fursat kii main kya hooñ kaun hooñ sochunga apne baare men

maara kisi ne sang to thokar lagii mujhe dekha to aasmaan tha zameeñ par pada hua

pichhle baras bhi boi theen lafzon ki khetiyan ab ke baras bhi is ke siva kuchh nahin kiya