agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

dil na-umeed to nahin naakaam hi to hai lambi hai gham ki shaam magar shaam hi to hai

agar hai ishq saccha to nigaahon se bayaañ hogaa zabaan se bolna bhi kya koi izhaar hota hai

main agar apni jawaani ke suna doon qisse ye jo launde hain mere paanv dabane lag jaa.e

mil jaaunga dariyaa men to ho jaaunga dariyaa sirf isliye qatra hooñ ki main dariyaa se juda hooñ

aankhoñ ki neend dono tarah se haraam haius be-vafa ko yaad karen ya bhulaayein ham

umr bhar ki baat bigdi ik zaraa si baat men ek lamha zindagi bhar ki kamaai kha gaya

kahii pade na mohabbat ki maar holi men ada se prem karo dil se pyaar holi men

bad-gumaani ko badha kar tum ne ye kya kar diya KHud bhi tanhaa ho ga.e mujh ko bhi tanhaa kar diya