shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

sochun to saari umr mohabbat men kat gaii dekhooñ to ek shaKHs bhi meraa nahin hua

agar aaj bhi boli-tholi na hogii to holi thikaane ki holi na hogii

mil jaaunga dariyaa men to ho jaaunga dariyaa sirf isliye qatra hooñ ki main dariyaa se juda hooñ

umr bhar ki baat bigdi ik zaraa si baat men ek lamha zindagi bhar ki kamaai kha gaya

aankhoñ ki neend dono tarah se haraam haius be-vafa ko yaad karen ya bhulaayein ham

bad-gumaani ko badha kar tum ne ye kya kar diya KHud bhi tanhaa ho ga.e mujh ko bhi tanhaa kar diya