shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

use kisi se mohabbat thii aur vo main nahin tha ye baat mujhse zyaada use rulaati thii

vo mujh ko chhod ke jis aadmi ke paas gaya baraabari ka bhi hota to sabr aa jaata

yahii hai zindagi to zindagi se KHud-kushi achchhii ki insaan aalam-e-insaaniyat par baar ho jaa.e

jo un pe guzarti hai kis ne use jaana hai apni hi museebat hai apna hi fasana hai

dil men kisi ke raah ki.e ja raha hooñ main kitna haseen gunaah ki.e ja raha hooñ main

apna zamaana aap banaate hain ahl-e-dil ham vo nahin ki jinko zamaana banaa gaya

us ne apna banaa ke chhod diya kya aseeri hai kya rihaai hai