zindagi kahte hain jis ko chaar din ki baat hai bas hamesha rahne waali ik KHuda ki zaat hai

maut ka bhi ilaaj ho shaayad zindagi ka koi ilaaj nahin

juda hue hain bahut log ek tum bhi sahi ab itni baat pe kya zindagi haraam karen

ye na thii hamaari qismat ki visaal-e-yaar hota agar aur jeete rahte yahii intizaar hota

bharam rakha hai tere hijr ka varna kya hota hai main rone pe aa jaaun to jharna kya hota hai meraa chhodo main nain thakta meraa kaam yahii hai lekin tumne itne pyaar ka karna kya hota hai

jahl-e-khird ne din ye dikhaaye ghat ga.e insaan badh ga.e saa.e

jo un pe guzarti hai kis ne use jaana hai apni hi museebat hai apna hi fasana hai

ya vo the KHafaa ham se ya ham hain KHafaa un se kal un ka zamaana tha aaj apna zamaana hai

yuñ dil ko tadapne ka kuchh to hai sabab aaKHir ya dard ne karvat li ya tum ne idhar dekha

apna zamaana aap banaate hain ahl-e-dil ham vo nahin ki jinko zamaana banaa gaya