koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

paron ko khol zamaana udaan dekhta hai zameen pe baith ke kya aasmaan dekhta hai

poochte hain vo ki ghalib kaun hai koi batlaao ki ham batlaayein kya

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

yahii hai zindagi to zindagi se KHud-kushi achchhii ki insaan aalam-e-insaaniyat par baar ho jaa.e

koocha-e-ishq men nikal aaya jis ko khaana-kharaab hona tha

le ke khat un ka kiya zabt bahut kuchh lekin thartharaate hue haathon ne bharam khol diya

subh tak hijr men kya jaaniye kya hota hai shaam hi se mire qaabu men nahin dil meraa

jahl-e-khird ne din ye dikhaaye ghat ga.e insaan badh ga.e saa.e