agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

aapki saada dili KHud aapki tauheen hai husn waalon ko zara maghroor hona chahiye

uske ishq men baal badhaane waalon sun lo uske ghar waale to paisa dekhenge

hamne parche aansuon se bhar diye aur tumne itne kam number diye unche neeche ghar the bastii men bahut jaljale ne sab barabar kar diye

do chaar din kii baat hai ye zindagi kii baat do chaar din ke pyaar ka qaail nahin hooñ dost

ek vaa'da hai kisi ka jo wafa hota nahin warna in taaron bharii raaton men kya hota nahin

kaañte to KHair kaañte hain is ka gilaa hi kya phoolon ki waardaat se ghabra ke pee gaya

ham faqeeron kii sooraton pe na ja ham kaii roop dhaar lete hain zindagi ke udaas lamhon ko muskuraa kar guzaar lete hain

hai dua yaad magar harf-e-dua yaad nahin mere naghmaat ko andaaz-e-nava yaad nahin