main bhi ik shakhs pe ik shart laga baitha tha tum bhi ik roz isee khel men haaroge mujhe eed ke din ki tarah tumne mujhe zaayaa' kiya main samajhta tha muhabbat se guzaaroge mujhe

pyaar ka rishta aisa rishta shabnam bhi chingaari bhi yaanii unse roz hi jhagda aur unhin se yaari bhi

tumne chhodaa to kisi aur se takraaoonga. main kaise mumkin hai ki andhe ka kahii sar na lage

kitna mahfooz hooñ main kone men koi archan nahin hai rone men maine us..ko bacha liya varna doob jaata mujhe dubone men

tu jo har roz naye husn pe mar jaata hai tu bataaega mujhe ishq hai kya jaane de

ye bhi e'jaz mujhe ishq ne bakhsha tha kabhius ki awaaz se main deep jala saka tha

main tha sadiyon ke safar men ahmad aur sadiyon ka safar tha mujh men